Tushda qoplon | Тушда коплон

QOPLON (YUZ) Ibn Sirin (r.a.)ning aytishicha, tushdagi qoplon dushmandir. Tushida qoplon bilan jang qilganini va uni yengganini ko‘rsa, dushman ustidan g‘alaba qilishiga dalildir.
Kirmoniy (r.a.)ning aytishicha, tushida qoplonni tutib olganini ko‘rsa, dushman bilan suhbat qurishiga dalildir. Agar qoplon uning qo‘lidan qochganini ko‘rsa, dushman undan qochishiga dalildir. Tushida ko‘pgina qoplonlar unga itoatkor ekanini ko‘rsa, dushmanlari zabun bo‘lishlariga dalildir.
Jobir Mag‘ribiy (r.a.)ning aytishicha, tushida qoplon go‘shtidan yeganini ko‘rsa, uning mikdoricha dushman moliga ega bo‘lishiga dalildir. Ba’zi ta’birchilarning aytishicha, tushida qoplonni o‘ldirganini ko‘rsa, bunda hech qanday manfaat yo‘q. Tushida qoplonni yelkasiga olganini ko‘rsa, dushman yukini ko‘tarishiga dalildir. Tushida qoplonlar uning uyida yoki birorta joyda qichqirayotganlarini ko‘rsa, dushmanlar sababli ranj va ziyon ko‘rishiga dalildir.

QOPLON (PALANG) Ibn Sirin (r.a.)ning aytishicha, tushdagi qoplon kuchli va qudratli dushmanni bildiradi. Agar qoplon bilan jang qilayotganini ko‘rsa, o‘z dushmani bilan xusumatlashadi va uning dushmani muzaffar bo‘ladi, ya’ni qoplon uning ustidan g‘alaba qilsa, demak, dushman uning ustidan g‘olib keladi. Agar u qoplon ustidan g‘olib kelsa, demak, dushman ustidan g‘alaba qiladi. Agar qoplonning go‘shtidan yeyayotganini ko‘rsa, jangu janjalga qolishini bildiradi, lekin zafar qazonib, sharaf va ulug‘lik topadi.
Kirmoniy (r.a.) aytadiki, qoplonning ustiga minganini ko‘rsa, izzat va obro‘yining oshishiga va dushmanga qahr qilishiga dalil bo‘ladi. Agar qoplon bilan jang qilayotganini, biroq hech biri g‘olib kelolmayotganini ko‘rsa, podshoxdan katta xavf yetishi yoki og‘ir kasallik yuz berishiga dalil bo‘ladi, biroq undan shifo topadi. Agar qoplonning ustidan uchayotganini ko‘rsa, dushmandan xavf yetishiga va oqibatda bu xavfdan qutulishiga dalil bo‘ladi. Agar qoplonning terisini yoki suyagini yoki yungini qo‘lga kirittan bo‘lsa yoki kimdir unga berganini ko‘rsa, dushman molini o‘sha topgan narsasi mikdoricha topishini bildiradi. Agar qoplonni o‘ldirganini ko‘rsa, islomdan yuz o‘girishini va undan hech qanday xayriyat yo‘qligini bildiradi.
Ja’far Sodiq (r.a.) aytadiki, tushda qoplonni ko‘rmoq uch narsani bildiradi: kuchli dushmanni; dushmandan mol topishini; podshohdan yetadigan xavfni.

Пример HTML-страницы

Вам может также понравиться...

Добавить комментарий

Ваш адрес email не будет опубликован. Обязательные поля помечены *