Tushda kir, kir yuvish | Тушда кир, кир ювиш

KIR (CHIRK) Ibn Sirin (r.a.)ning aytishicha, har kim tushida kir libosi borligini ko‘rsa, yomon ishlarga dalildir. Har kim libosini iflos narsa bilan bulg‘anganini ko‘rsa, uning diniy va dunyoviy ishlari buzulishiga dalildir. Agar libosning chirkinligi o‘liklar sababli bo‘lsa, dinining buzuqligi va dunyosining soz bo‘lishiga dalildir.
Kirmoniy (r.a.) aytadiki, tushda boshi va tanidagi chirkinlik g‘amu anduhga dalolat qiladi. Tandagi chirkinlikda hech qanday xayru manfaat bo‘lmaydi.

KIR YUVISH (GOZURIY KARDAN) Ibn Sirin (r.a.)ning aytishicha, tushida kir yuvuvchilik qilayotganini, aslida kir yuvuvchi emasligini ko‘rsa, tavba qilishi va yaxshiliklar qilishiga tavfiq topishiga dalildir. Chunki libos kiri g‘am va uy bo‘ladi, kir yuvuvchi esa kirni tozalovchidir, demak Xudo yo‘liga qaytishni bildiradi.
Kirmoniy (r.a.)ning aytishicha, tushida kiyimni yuvayotib yirtib qo‘ysa, tavbasini buzishiga dalildir. Agar yirtilgan kiyimni tikkanini ko‘rsa, yana qaytib tavba qilishiga dalildir. Tushida yuvgan kiyimi oqarganini ko‘rsa, tavba tufayli xaloslik topganiga dalildir. Agar kiyimni yuvganini, biroq oqarmaganini ko‘rsa, doimiy gunoh qilishiga dalildir.
Ja’far Sodiq (r.a.)ning aytishicha, tushdagi kir yuvuvchi odamlarning dilidan g‘am va anduhni ketkazuvch kishidir, Shu sababdan ta’birchilar aytadilarki, tushida bir kishi libos yuvayotganini ko‘rsa, kiyimini oq qilib yuvgan bo‘lsa, g‘am va qayg‘udan xaloslik topishiga, gunohlardan tavba qilishiga dalil bo‘ladi.