Tushda osilmoq, osish | Тушда осилмок, осиш

OSILMOQ (OVIXTAN) Doniyol (a.s.) aytadilarki, podshoh biror kishini osishga butorganini ko‘rsa, podshoxdan hashamat, izzat va ulug‘lik topishiga dalolat qiladi, lekin dinda nuqson topishiga dalildir. Osilgan paytda odamlar unga qarayotganini ko‘rsa, qarayotgan odamlar soniga muvofiq rahbarlik va ulug‘lik topishiga dalildir. Odamlarning yig‘ilganini yoki uni osayotganini ko‘rsa, o‘sha qavmning rahbari va boshlig‘i bo‘lishiga dalildir. Notanish bir keksa va odamlarning tamosha qilayotganini ko‘rsa, jahon ahliga bosh bo‘lishiga dalildir. Agar o‘zini o‘zi osganini ko‘rsa, hech kim qaramayotgan bo‘lsa, balki o‘zining osilganini o‘zi ko‘rayotgan bo‘lsa, o‘z yaqinlariga bosh bo‘lishni xohlayotganiga, lekin unga hech kim itoat qilmasligiga dalolat qiladi.
Jobir Mag‘ribiy (r.a.) aytadiki, odamlar uni osib qo‘yganini, lekin arqonni qirqib, yerga yiqilganini ko‘rsa, ulug‘lik, izzat va hurmatdan judo bo‘lishiga dalildir.