Tushda sabza va sabzazor | Тушда сабза ва сабзазор

SABZA VA SABZAZOR (SABZA) Ibn Sirinning aytishicha, tushdagi sabza din bo‘ladi. Tushida yeri borligini va sabzalar ko‘p o‘sganini ko‘rsa, uning hayo va dini pok egasi ekaniga dalildir. Agar yerida o‘ziga notanish giyohlar o‘sib yotganini, ularga taajjub bilan boqayotganini va bu yer o‘ziniki ekanini his etayotganini ko‘rsa, bularning hammasi din, diyonat va taqvoga dalildir. Agar o‘sha yerda tanish o‘simliklar bo‘lsa, chunonchi olma va boshqalar, ne’mat farovonligi va halol rizqqa dalil bo‘ladi. Agar sabza achchiq va notanish bo‘lsa, ta’biri aksincha bo‘ladi. Agar sabzalar tanish bo‘lib, undan tanovul qilayotganini va ular shirin ekanini ko‘rsa, bu ham ne’matning farovon bo‘lishi va halol rizqqa ega bo‘lishiga dalildir.
Jobir (r.a.)ning aytishicha, tushda sabzani o‘z vaqtida yeyish zo‘hd va taqvoga dalildir.
Ibn Sirinning aytishicha, tushda sabzani ko‘rish salomatlikka dalil bo‘ladi. Agar sabzazor ichida turganini ko‘rsa, din yo‘lida muqim turishiga dalildir. Agar o‘likni sabzazor ichida turganini ko‘rsa o‘sha o‘likning ahvoli, oqibati oxirat savobi yaxshi ekaniga dalildir. Sabzazorni qanchalik ko‘m-ko‘k va toza ko‘rsa va bu sabzazor o‘ziniki ekanini bilsa, dinining va taqvosining pokligiga dalildir. Agar sabzazorini sarg‘aygan va bujmaygan holda ko‘rsa, ta’biri yuqoridagining aksi bo‘ladi.
Agar sabzazor boshqa kishilarniki ekanini ko‘rsa, pokdamon va parhezgar kishilar bilan suhbat qurishiga dalildir.
Hazrati Sodiq (r.a.)ning aytishicha, tushdagi sabza to‘rt narsani bildiradi: islomni; dinni; pok e’tiqodni; taqvoni.