{"id":7797,"date":"2021-05-02T11:40:30","date_gmt":"2021-05-02T08:40:31","guid":{"rendered":"https:\/\/biliboltv.uz\/2021\/05\/02\/7-oyda-41-kilo-vazn-tashlagan-hindistonlik-erkak-ozish-sirlari-bilan-ortoqlashdi\/"},"modified":"2021-05-02T11:40:30","modified_gmt":"2021-05-02T08:40:31","slug":"7-oyda-41-kilo-vazn-tashlagan-hindistonlik-erkak-ozish-sirlari-bilan-ortoqlashdi","status":"publish","type":"post","link":"https:\/\/biliboltv.uz\/7-oyda-41-kilo-vazn-tashlagan-hindistonlik-erkak-ozish-sirlari-bilan-ortoqlashdi\/","title":{"rendered":"7 oyda 41 kilo vazn tashlagan hindistonlik erkak ozish sirlari bilan o\u2018rtoqlashdi"},"content":{"rendered":"
Hindistonning Panjob shtati Ludhiana shahrida yashovchi, 7 oyda 41 kilogramm vazn tashlagan erkak muvaffaqiyatining uchta sirini aytib o\u2018tdi. The Times of India gazetasining yozishicha, bunday natijaga erishishi uchun unga jismoniy mashg\u2018ulotlar, to\u2018g\u2018ri ovqatlanish va tartib-intizom yordam bergan.<\/p>\n
<\/p>\n
Avvalroq 39 yoshli Ramit Aggarvalning vazni 123 kilogramm bo\u2018lgan. U nafas qisishi boshlangani va shifokorlarning ogohlantirishlari tufayli ozishga qaror qiladi. \u201cMen sog\u2018lig\u2018imni xavf ostiga qo\u2018ymasdan, og\u2018riqsiz tarzda ozishni xohladim\u201d, \u2014 deydi hindistonlik erkak.<\/p>\n
Avvalo, u ratsioniga o\u2018zgartirish kiritdi. Uyqudan turgach, bir stakan iliq suv ichib, soat 9:30 da yorma yoki guruch unidan tayyorlangan bo\u2018tqa kabi yengil ovqat iste\u2019mol qiladi. Tushlikda esa mevali salat, bir yarim soatdan keyin non bilan sabzavotli ragu yeydi. Soat 17:30 larda\u00a0Aggarval bitta pechenye bilan choy ichadi. Taxminan ikki soatdan keyin kechki ovqatda ikki bo\u2018lak qora non bilan katta likopda sabzavotli salat bilan kifoyalanadi.<\/p>\n
Bundan tashqari, Aggarval harakatlanishni ham ko\u2018paytirgan. \u201cErtalab sakkiz ming qadam yuraman va 20-30 daqiqa davomida polda mashq qilaman, \u2014 deydi u. \u2014 Kechki soat 6 larda tez yurish bilan shug\u2018ullanib, yana sakkiz-o\u2018n ming qadam yuraman. Kuniga kamida 15000 qadam bosib, aerobik, kardio va kuch-quvvat mashqlarini bajarishga harakat qilaman\u201d. Hozirda Aggarval yoga bilan shug\u2018ullanishni ham boshlagan.<\/p>\n
Hindistonlik erkak shu bilan to\u2018xtash niyatida emas. U 60-70 kilogrammgacha vazn tashlashni va vaznini bir xil darajada ushlab turishni rejalashtirmoqda.<\/p>\n
Avvalroq angliyalik ayol birgina foto tufayli 38 kilo vazn tashlagani haqida xabar berilgan edi.<\/p>\n