1 raqami ostida tug’ilgan insonlar

1 raqamlarning asosi, poydevori. U kuch qudrat ramzi bo’lib, «hamma narsa menda va men hamma narsada» iborasi aynan unga to’g’ri keladi. Bir quyosh deb atalmish kattakon olovli shar timsoli bo’lib, uning homiyligi ostidadir.

Tug’ilgan sanasi bir raqami bilan bog’liq odamlar ko’pincha ijodkor, kashfiyotchi, tabiatan esa mag’rur, kuchli Iroda va chidam sohibi, shuningdek, jangari kishilar bo’lishadi. Qolaversa, ularning ko’pchiligi hazil – mutoyibaga moyil kishilardir. O’rni kelganda esa o’z ishiga puhta va ayyor hamdir.

1 raqamining ichki erkinligi, hatto zo’ravonlik, «men haqiqat mezoniman» degan davo chegarasigacha boradi. Ular cheklovlarni, ayniqsa, maslahat va tavsiyalarni yoqtirishmaydi. Bunday kishilar haqidagi birinchi tasavvurdan keyin ularning harakterida zaif tomonlari borligini payqash mumkin. Ammo, aslida, bunday emas, u o’zining boshqalardan ustun jihatlari borligini yaxshi biladi, o’ziga yuqori baho beradi va shuning uchun ham ular shuxratparastdir.

Hayot tarzi o’ziga hos va betakror

Ular boshqalarga o’xshashni xoxlashmaydi, fikirlash tarzi, tafakkuri, yurish turishi, umuman, butun hayoti o’ziga hos, betakror bo’lishini istashadi. Intelektual salohiyati havas qilsa arzigulik. Ular o’ziga hos, sirli (maxfiy) muvaffaqiyat olib keladigan yangi ishlar bilan mashg’ul bo’lishni yaxshi ko’rishadi, ammo bu bilim bilan emas, pul bilan bog’liq masaladir. Pul ko’p narsani hal qiladi, degan fikirga hamisha sodiq qolishadi.

Ushbu sanada tug’ilganlarning aksariyati yolg’iz mehnat qilishadi. Injiq tabiatli bo’lganligidan rahbarga ham, bo’ysinuvchiga ham toqatlari yo’q. Ular asosiy narsalarni ahamiyasiz narsalardan ajratadilar va qaysi ishga qo’l urishmasin, oxirigacha yetkazishadi va muvaffaqiyat qozonadilar.

Ularning eng muhim jihati

Bunday insonlarga hos bo’lgan yana bir eng muhim hususiyat – bir vaqtning o’zida juda ko’p narsaga erishishni istashadilar. Hatto qarashlari noto’g’ri bo’lsada, o’z fikirlarida qatiy turib olishadi.

1 sanasida tug’ilgan kishilarga tasir ko’rsatuvchi boshqa raqamli omillar – tug’ilgan yili, joyi, oilasi, hafta kuni, dunyoga kelgan vaqti kabilar ham etiborga olinishi lozim. Ular uchun bahtli kunlar – yakshanba va dushanbadir. Bahtli raqamlar – 10, 19, 28. Toshlardan oltin, sariq va shunga yondosh ranglarni yoqtiradilar. Sevimli guli kungaboqar, chunki u quyoshning, hayotning ramzi.

Odatda, ushbu raqam sohiblari o’z kasbi, ilm va ijodda, harbiy sohada yuksak cho’qqiga ko’tarilishadi. Ular nafaqat ishda, balki oilada ham hukumronlikka erishadilar. Bunday insonlar yaqinlarini o’ziga nisbatan befarqligini hazm qila olmaydilar, atrofdagilarning o’ziga nisbatan g’amxo’rlik qilishlarini istaydilar. Mobodo ularga bunday munosabat ko’rsatilmasa, sovuqqonligicha qolishadi.

His tuyg’ulari juda kuchli

Ularning his tuyg’ulari qanchalik kuchli bo’lmasin, bu faqat o’zlarining foydasiga ekanligini unutmaslik kerak. Axir, 1 yagonalik tuyg’usi bilan bog’liq-da! Uning jufti haloli kuchli sevgi yoki to’la g’amxo’rlik namoyish etishi yoxud ularga bo’ysinishi shart.

Ularning salomatlik muammolari, asosan, yurak bilan bog’liq, chunki inson aynan shu azosi orqali sevadi, ijod qiladi, hayotdan zavqlanadi. 1 raqami sohiblariga ko’pincha ilmiy kashfiyotlar, tadqiqotlar nasib etadi. Qaror qabul qilish, muvaffaqiyatga erishish, qatiylik ko’rsatish, tanlagan yo’lidan oxirigacha borish ularga xos.

Ayni paytda o’z izzat nafsini qondirishni ham unutmaydilar. Nihoyat bu raqam yerning birinchi fazogiri Burjlarning birinchi belgisi, degan tushunchalar ham mavjud. 1912 yil 1 aprel kuni «Titanik» kemasini sinash nihoyasiga yetkazilgan.