Tushda toshbaqa | Тушда тошбака

TOSHBAQA (KAShAF) Ibn Sirin (r.a.)ning aytishicha, kashaf deb sangpo‘sht (toshbaqa)ni aytadilar. Tushdagi suv toshbaqasi zohid va olim kishi bo‘ladi, uning suhbatidan foydalar hosil bo‘ladi. Har kim tushida toshbaqasi borligini va uni uyiga olib kelganini ko‘rsa, u zohid kishi bilan suhbatdosh bo‘ladi. Tushida tobaqa go‘shtidan yeyayotganini ko‘rsa, uning miqdoricha ilm hosil qilishiga dalildir.
Kirmoniy (r.a.)ning aytishicha, tushida masjidda yoki bir aziz joyda toshbaqani topib olganini ko‘rsa, zohid bo‘lishiga va ulug‘lar oldida hurmat topishiga dalildir.
Ja’far Sodiq (r.a.)ning aytishicha, tushdagi toshbaqa uch narsaga dalildir: zohid kishiga; olim kishiga; ishlarda san’at sohibi bo‘lgan kishiga.