Qisqichbaqa burji haqida malumot

Qisqichbaqa (22 iyun — 22 iyul)

Qisqichbaqa burji xarakteri va bir birlariga mosligi haqida malumot – Qisqichbaqa burji ostida tug’ilganlar o’zgacha xarakter sohiblaridirlar. Ularning fel – atvori atrofdagilar uchun hamisha jumboq bo’lib kelgan. Qalbidagini boshqalarga Doston qilishni unchalik ham hush ko’rmaydilar.

Tabiatan juda ehtiyotkor bo’lganliklaridan, Qisqichbaqa burjidagilarni aldab yoki chuv tushurib bo’lmaydi. Siz ijobiy baholagan voqea hodisa yoki biror odam haqidagi fikrlaringizni ular asosli ravishda yo’qqa chiqara oladilar va aksincha, ular eng mudhish narsalarning ham go’zal tomonlari borligini isbotlab bera oladilar.

Bir so’z bilan aytganda, qisqichbaqalar achchiqdan shirin, shirindan achchiq paydo qiladilar va o’z fikrlarini haqli raivshda asoslab ham bera oladilar. Chaxsiy hayotlarida ham biror ko’ngilsizlik yuz bersa burj vakillari bundan chuqur iztirobga tushmaydilar va bo’layotgan voqeani kelajakdagi hayotlari uchun saboq yoki yaxshilik alomati sifatida qabul qilib vaziyatdan osonlik bilan chiqib keta oladilar.

Aksincha hatolarda esa hayotlaridagi eng quvonchli kunning ham biror falokat keltirishi mumkinligi haqidagi o’y ularga tinchlik bermaydi. Qisqichbaqa burjidagilar tabiatan juda noziktabdirlar. O’zaro davra suhbatlarida aytilgan biror so’z yoki tanbehni ham o’zlariga oladilar, ularni hatto ko’z qarashi bilan ham hafa qilib qo’yish mumkin.

Tuyg’ulari beqaror bo’lganligi uchun, bir kayfiyat o’ziga teskari bo’lgan ikkinchi bir kayfiyat bilan tez – tez almasib turishi mumkin. Mazkur burj ostida tug’ilganlar ishga tez va g’ayrat bilan kirishadilar, lekin ishdan tez soviydilar ham. Bir zayildagi ishlarni uzoq, davomli suratda bajarishga moyil bo’lmaydilar.

Ko’pincha bir qancha vazifalarni birdaniga bajarishni bo’yinlariga oladilar. Lekin har bir ishga ishtiyoq bilan tez kirishganliklari singari, boshlagan ishlaridan tez qaytishlari ham mumkin. Qisqichbaqa burjida qatiy maqsad, chuqur fikr, ijodiy faoliyat bo’lmagan taqdirda, uning o’rnini yuzakilik va beqarorlik egallaydi. Huddi shu narsa ularni doimiy havotirga soladi.

Qisqichbaqa burji: erkaklar xarakteri haqida

Qisqichbaqa burji ostida tug’ilgan erkaklar o’zlarining nihoyatda sirli tomonlari borligi bilan ayollar etiborini o’zlariga jalb etadilar. Bunday erkaklarning ko’nglida nima kechayotganini, hatto u bilan tunu kun birga yashab ham bilish qiyin.

Qisqichbaqalarning tashqi ko’rinishlari aldamchidir: ular doimo qovoqlari osilgan holda ko’ringanlari yoki hamma bilan jiddiy munosabatda bo’lganliklari bilan, aslida juda mehribon insonlar. Qisqichbaqa burjida tug’ilgan erkaklar ayollarning o’z onalariga o’xshashlarini istaydilar.

Ayollarida biror kamchilik sezsalar buni ularning yuzlariga aytmaydilar, aksincha, har bir ishga o’z onalarining qilgan ishlarini misol qilib keltiradilar. Shuningdek, ulardan farzandlariga alohida tarbiya berishni talab qiladilar va buning uchun oilalarida barcha sharoitni ham muhayyo qiladilar.

Erkak qisqichbaqalar ayollarning ishlashlariga tish tirnoqlari bilan qarshi turadilar. Buning o’ziga yarasha sabablari bor: Birinchidan, ayollar asosiy vaqtlarini farzandlari tarbiyasiga sarflashlarini istashsa, ikkinchi tomonan esa bu ulardagi rashk tuyg’usining doimo alanga olib turushidandir.

Qisqichbaqa burji: ayollar xarakteri haqida

Ular juda tasirchandirlar. Bazida Qisqichbaqa burji ayollarini tushkun kayfiyatda ko’rsangiz, bazida esa o’zlarining chiroyli tabassumlari sizni lol qoldiradi. Juda ko’p holatlarda o’zlariga nisbatan ozgina etiborsizlikni ham salbiy qabul qiladilar va buning tasirida tushkun kayfiyatga tushib qoladilar.

Ayol qisqichbaqalarni boshqalarning qimmatbaho sovg’alaridan ko’ra ko’proq munosabati qiziqtiradi va bu ular uchun juda muhim. Bunday ayollar erlariga munosabat bilan o’z farzandlariga bo’lgan munosabatini bir vaqtning o’zida qoyilmaqom qilib uddalay oladilar.

Qisqichbaqa burjiga mansub ayollar, erkaklardagi o’z juftiga samimiy munosabatni qadrlaydilar. Shuning uchunmi ular turmush o’rtoqlarini dugonalarining turmush o’rtoqlari bilan tez – tez solishtirib turadilar va shunday hulosaga keladilar: ularning hayotiga dahldor bo’lgan er boshqa hech kimda yo’q! Ular haqiqatdan ham shunday o’ylaydilar va iqrorlariga o’zlarini – da ishontira oladilar.