Tushda ari | Тушда ари

ARI (ZANBUR) — Ibn Sirinning aytishicha, tushdagi ari pastkash va himmati past erkakdir. Agar ari chaqib olganini ko‘rsa, birorta pasgkash odamdan yoqimsiz ranj yetishi yoki shirin so‘z eshitishiga dalildir. Agar arilarning o‘ziga yopishib olganini ko‘rsa, pastkash odamlar ichiga tushib qolishiga dalildir. Xususan, arilar uni chaqayotganini ko‘rsa, shu hol yuz beradi.
Kirmoniyning aytishicha, agar ari chaqib olganini ko‘rsa, yomon xotindan unga ozor yetishiga dalildir. Uyida arilarning to‘planganini ko‘rsa, chaqimchi bir xotin bilan mashg‘ul bo‘lishiga dalildir. Agar arini o‘ldirganini ko‘rsa, dushman ustidan g‘alaba qazonganiga dalildir. Agar havodan ko‘plab arilarning yig‘ilib kelganini ko‘rsa, o‘sha yerda askarlarning yig‘ilishiga dalildir.
Hazrati Sodiq (r.a.)ning aytishicha, tushdagi ari olti narsani bildiradi: g‘avg‘oni; pastkash odamlarni; lashkarni; chigirtkalarni; dushmanni va farzandlarni.