Tushda ko’r | Тушда кур

KO‘R (NOBIYNO) Ibn Sirin (r.a.)ning aytishicha, har kim tushida ko‘r bo‘lib qolganini ko‘rsa, din va islom yo‘lida gumroh bo‘lishiga dalildir. Tushida bitta ko‘zi ko‘r bo‘lganini ko‘rsa, yarim dinining ketishi yoki katta gunoh qilishi yoxud a’zolaridan biriga musibat yetishiga dalildir. Kirmoniy (r.a.)ning aytishicha, tushida ko‘rning qo‘lidan tutganini ko‘rsa, gumroh bo‘lishiga dalildir. Mag‘ribiy (r.a.)ning aytishicha, tushida ko‘r bo‘lganini ko‘rsa yaxshi ishlari qo‘ldan ketishiga dalildir. Agar birovning bir ko‘zining ko‘r qilganini ko‘rsa, o‘sha kishini din yo‘lidan chiqarishiga dalildir. Agar hayvonning ko‘zini ko‘r qilganini ko‘rsa, bu o‘sha hayvonning egasiga taalluqli bo‘lib, o‘sha odamga birorta zarar yetkazishiga dalildir. Ja’far Sodiq (r.a.)ning aytishicha, tushda ko‘r bo‘lish yetti narsaga dalildir: kambag‘allikka; holi yomon bo‘lishiga; g‘amu anduhga; badan nuqsoniga; musibatga; boylik nuqsoniga; dinning buzilishiga. Agar ko‘r kishi tushida ko‘radigan bo‘lib qolganini ko‘rsa, dunyo ishlari yaxshilanishini bildiradi va umidsizlangan narsaga umid paydo bo‘lishiga va Haq ta’olo rahmatidan nasiba topishiga dalildir.