Tushda qasam | Тушда касам

QASAM (SAVGAND) Ibn Sirin (r.a.)ning aytishicha, tushida qasam ichganini ko‘rsa, qo‘lidan yaxshi ish kelishi, omonatni joyiga qo‘yishi, xayriyatlar qilishi va xavfda bo‘lgan narsasidan qutilishiga dalildir. Agar qasamni yolg‘ondan ichganini ko‘rsa, Xudoyi ta’oloning g‘azabida bo‘lishi, agar tavba qilmasa, Allohning rahmatidan benasib bo‘lishi, qarzga botishi va podshoxdan ziyon ko‘rishiga dalildir.
Kirmoniy (r.a.)ning aytishicha, agar tushida rost qasam ichganini ko‘rsa, ishi yaxshi bo‘lishi uchun gunoh va xatolardan tavba qilishi kerakligiga dalildir. Agar yolg‘on qasam ichganini ko‘rsa, dini buzilishi va e’tiqodiga nuqson yetishiga dalildir.
Alloh ta’olo aytadi: Yana ular bilib turib, (Biz musulmonmiz deb) qasam ham ichurlar (Mujodala surasi, 14-oyat).
Jobir Mag‘ribiy (r.a.)ning aytishicha, tushida rost qasam ichganini ko‘rsa, g‘am va ziyon ko‘rishiga dalildir.