Tushda salla | Тушда салла

SALLA (DASTORI SAR) — Ibn Sirin (r.a.) aytadiki, tushdagi salla dindir. Tushidagi salla oq yoki yashil bo‘lsa, zig‘irdan yoki paxtadan bo‘lsa, dinning sozligiga dalildir. Tushida oq va pokiza sallasi borligini ko‘rsa, din va dunyosining sozligiga dalildir. Tushdagi ipak salla bu dunyodagi ahvolning sozligiga dalildir. Tushida o‘z sallasi bilan boshqa salla ulashib ketganini ko‘rsa, ulug‘ligi va obro‘yi yanada oshishiga dalildir. Tushida sallasi tushib ketganini yoki yo‘qolganini ko‘rsa, diniga nuqson yetishi va hurmatining kamayishiga dalildir.
Kirmoniy (r.a.) aytadiki, tushida sallasini o‘g‘irlab ketganini ko‘rsa, izzat va obro‘yining nuqson topishini bildiradi.
Agar o‘ralgan va ozada sallasi borligini ko‘rsa, dunyo va din axdlari bilan kelishuvda yashashini bildiradi. Tushida ziynat berilgan sallani ko‘rsa, safarda xalk, orasida mashhur bo‘lishini bildiradi. Tushida sallasi va liboslari yashil rangda ekanini ko‘rsa, dunyodan shax,id bo‘lib ketishini bildiradi.
Jobir Mag‘ribiy (r.a.) aytadiki, sallani qanchalik katta ko‘rsa, obro‘-e’tibori shunchalik baland bo‘lishiga dalildir.
Tushida sallasini kir va kichik ekanini ko‘rsa, izzat va obro‘yiga nuqson yetishini bildiradi. Tushida sallani qizil rangdaligini ko‘rsa, birovga sitam qilishini bildiradi, salla sariq bo‘lsa, kasallikka, ko‘k bo‘lsa, musibatga, qora bo‘lsa, ziyon va zararga dalildir, bundan xatib va qozi mustasno. Boshida ipak salla borligini ko‘rsa, insofli va adolatli bo‘lishi, el uni azizu mukarram tutishiga dalildir. Agar o‘ralgan uzun sallani tushida ko‘rsa, safardan tez qaytishiga dalildir.
Ja’far Sodiq (r.a.) aytadiki, tushdagi salla yetti narsaga dalildir: dinga;riyosatga; amalga; raqbarlikka; martabaga; quvvatga; safarga.