Tushda shodravon | Тушда шодравон

SHODRAVON Ibn Sirin (r.a.)ning aytishicha, tushdagi shodravon kishining diniga dalildir. Agar shodravonni uning uchun yoyganlarini va u o‘ziniki ekanini ko‘rsa, uning mikdoricha hayot kechiradi va umri uzoq bo‘ladi. Agar shodravonni begona joyga yoyilganini va bu joy kimniki ekanini bilmasa, ahvolining o‘zgarishi va g‘urbatda o‘lishiga dalildir. Agar shodravonni sotib yuborganini yoki sovg‘a qilganini ko‘rsa, unga yetadigan xatarga dalildir.
Doniyol (a.s.)ning aytishlaricha, agar tushda shodravon yoyib qo‘yilganini ko‘rsa, umrining uzinligiga dalil bo‘ladi, u qancha katta bo‘lsa, ta’biri shuncha yaxshiroq bo‘ladi.
Jobir (r.a.)ning aytishicha, tushda shodravonning eski va yirtilganini ko‘rsa, tirikchilik unga og‘ir bo‘lishiga dalildir. Agar uni qizil ekanini ko‘rsa, ishratga, agar qora yoki ko‘k rangda ekanini ko‘rsa, g‘amu anduhga dalildir. Agar sariq ekanini ko‘rsa, bemorlikka, agar oq ekanini ko‘rsa, halol rizqqa dalildir.
Ja’far Sodiq (r.a.)ning aytishicha, tushdagi shodravon to‘rt narsani bildiradi: uzoq umrni; manfaatni; halol rizqni; maishatni.