Tushda taxt | Тушда тахт

TAXT Ibn Sirin (r.a.)ning aytishicha, har kim tushida taxtda o‘tirganini, taxtga esa hech narsa solinmaganini ko‘rsa, safarga chiqishiga dalildir. Agar taxt ustida uxlayotganini va uning ustiga biror narsa solinganini ko‘rsa, ulug‘lik topishi, taxtning qadru qimmatiga muvofiq dushmanlar ustidan g‘alaba qilishiga dalildir. Agar bu tushni ko‘rgan odam yomon kishilar toifasidan bo‘lsa, uni dorga osishlariga dalildir. Taxt ustida uxlayotganini, taxt sinib, yiqilib tushganini ko‘rsa, izzat va ulug‘likdan tushishi va ahvolining o‘zgarishiga dalildir.
Ja’far Sodiq (r.a.)ning aytishlaricha, tushida taxt ko‘rmoq yetti narsani bildiradi: izzat va obro‘ni; safarni; martabani; oliylikni; mansabni; qadru qimmatni; ishlarning yuqori bo‘lishini.