Tushda tuyoq | Тушда туёк

TUYOQ (SO‘M) Ibn Sirinning aytishicha, tushdagi tuyoq farzanddir. Agar tuyoq topib olganini yoki birov unga berganini ko‘rsa, farzand tug‘ilishiga dalildir. Agar tuyoqqa ega ekanligi, biroq yo‘qolib qolganini ko‘rsa, farzandining yo‘qolib qolishi yoki dunyodan ketishiga dalildir.
Kirmoniyning aytishicha, ot yoki eshak tuyog‘i boyligining xarob bo‘lishini bildiradi. Agar bu tuyoqlarga egaligini yoki birov unga berganligini ko‘rsa, ularning mikdoriga muvofiq mol ham bo‘lishiga dalildir. Agar tushida ot yoki eshak tuyog‘i o‘zining oyog‘ida ekanligini ko‘rsa, shodlik bilan umrguzaronlik qilishiga dalildir. Boshqa ta’birchilarning aytishlaricha, ozgina mol topadi. Agar tuyog‘i tushganini ko‘rsa, ta’biri aksincha bo‘ladi.