Tushda uxlamoq | Тушда ухламок

UXLAMOQ (XO‘FTAN) Ibn Sirin (r.a.) aytadiki, tushda uxlamoq o‘likka va o‘zini yashirgan kishiga rohat hamda yaxshilikdir. Agar taxt ustida uxlayotganini tush ko‘rsa, ulug‘lik topishiga, biroq din va parhezgarlik yo‘lidan bexabar bo‘lishiga dalildir, chunki uxlash din yo‘lidan g‘aflatda qolishdir. Tushida qandaydir joyda ko‘rpa ustida uxlayotganini ko‘rsa, haqirlik va xorlikka dalolat qiladi.
Kirmoniy (r.a.)ning aytishicha, tushdagi uyqu qo‘rquvdagi odamga omonlik, murdaga kechiruv, bemorga shifo, qamoqdagi odamga qutilishdir.
Mag‘ribiy (r.a.) aytadiki, har kim murdalar ichida uxlayotganini, odamlar uni ko‘rib turganini ko‘rsa, odamlar orasida shuhrat topishiga, dalildir.