APL. “Tottenhem” autsayderga javobsiz 4 ta gol urdi, Garet Beyldan het-trik

Futbol bo‘yicha Angliya Premyer Ligasining 34-turida “Tottenhem” 2-may, yakshanba kuni “Sheffild Yunayted”ni qabul qildi.

Uchrashuvning 36-daqiqasida Garet Beyl “shporlar”ni oldinga olib chiqdi. Ikkinchi bo‘limda uelslik futbolchi yana ikki bor mehmonlar darvozasini ishg‘ol qildi. 77-daqiqasida Son Hyon Min o‘yinga nuqta qo‘ygan gol muallifiga aylandi — 4:0.

Ushbu g‘alabadan keyin “Tottenhem” ochkolarini 56 taga yetkazib olgan holda 5-o‘ringa ko‘tarildi.

“Tottenhem” — “Sheffild Yunayted” uchrashuvidagi gollarni bu yerda tomosha qilish mumkin — video.

Manba: Daryo.uz