Tushda cho’chqa | Тушда чучка
CHO‘CHQA (XUK) Ibn Sirin (r.a.)ning aytishicha, tushdagi cho‘chqa quvvatli boy kishidir, biroq pasthimmat va yaxshiligi yo‘q bo‘ladi. Tushida cho‘chqalarni bir yerga to‘plaganini va tarqalib ketishidan qo‘rqib, ularni bo‘shatmayotganini ko‘rsa, ko‘p mol yig‘ishiga dalildir.
Kirmoniy (r.a.) aytadiki, cho‘chqa saqlash dunyo uchun yaxshi, din uchun yomondir, chunki tushdagi cho‘chqa g‘amu anduh bo‘ladi. Tushida cho‘chqa go‘nggidan yeyayotganini ko‘rsa, sudxo‘rlik molidan yeyishini bildiradi. Tushda cho‘chqalarni bir joydan ikkinchi joyga olib ketayotganini ko‘rsa, dunyoviy ahvoli yaxshi bo‘lishi va oxiratdagi ahvoli yomon bo‘lishiga dalildir. Tushida cho‘chqalar orasida kezib yurganini ko‘rsa, haromdan topgan moliga xursandligiga dalildir.
Aytishlaricha, tushda cho‘chqa sutini ichish g‘amu anduh hamda musibatni bildiradi. Tushida cho‘chqalar orasida o‘tirganini ko‘rsa, dushmani g‘olib kelishini bildiradi. Tushida cho‘chqa terisini topganini yoki kimdir unga berganini ko‘rsa, harom mol topishiga dalildir. Agar cho‘chqalarga cho‘pon bo‘lib qolganini ko‘rsa, bir guruh dini buzuq, badfe’llarga rahbar bo‘lishiga dalildir.
Jobir Mag‘ribiy (r.a.) aytadiki, dalada cho‘chqa bilan olishayotganini ko‘rsa, bir pastkash va sitamgar odam bilan xusumatlashishiga dalildir. Tushida cho‘chqa yangi va suyagi yoki terisiga ega ekanini ko‘rsa, ega bo‘lgan narsasining mikdoriga muvofiq harom mol topishini bildiradi.