Tushda durro’a, yengsiz kiyim | Тушда дурро’а, йенгсиз кийим

DURRO’A (Ayol va erkaklar kiyadigan yengsiz kiyim) Ibn Sirin (r.a.)ning aytishicha, har kim tushida yangi, keng, katta va yashil durro’a kiyganini ko‘rsa, dinda izzat, obro‘, quvvat va sharaf topishiga dalildir. Agar kir va tor durro’a kiyganini ko‘rsa, ta’biri aksincha bo‘ladi.
Kirmoniy (r.a.) aytadiki, tushida oq rangli durro’a kiyganini ko‘rsa, mol, ne’mat va ulug‘lik topishini bildiradi. Qizil rangli durro’a kiyganini tush ko‘rsa, musibat yuz berishiga
dalildir. Qora ranglisi esa g‘amu anduhga dalil bo‘ladi, biroq qora durro’ani qozi va kotib tushida ko‘rsa ularga ziyoni yo‘kdir.
Tushida durro’asini yechib olganlarini ko‘rsa, xotinidan judo bo‘lishini bildiradi.
Ja’far Sodiq (r.a.) aytadiki, tushda durro’a ko‘rish yetti narsaga dalildir: shodlikka; quvvatga; muhabbatga; izzat va obro‘ga; martaba va amalga; o‘ylagan ishlariga erishishiga va xotinga.