Tushda qandil | Тушда кандил

QANDIL (KANDIL) Ibn Sirin (r.a.)ning aytishicha, tushdagi yoniq turgan qandil, xususan, ravshan bo‘lsa, ibodatga tavfiq topishga dalildir. Agar tushida o‘z uyida yoqilgan qandil osilib turganini ko‘rsa, soliha va taqvodor ayolga uylanishini bildiradi. Agar bu tushni ayol kishi ko‘rsa, ko‘p ibodat va toat qilishiga dalildir.
Ja’far Sodiq (r.a.)ning aytishicha, tushdagi yoqilgan qandil to‘rt narsani bildiradi: uylanishni; tavfiqni; izzat va davlatni; to‘xtab qolgan ishlarning yurishib ketishini. Tushdagi yoqilmagan qandil ozgina foydani bildiradi.